-
-
Afrikaans (1953) -
-
46
|Jueces 9:46|
Toe al die burgers van die toring van Sigem dit hoor, gaan hulle in die kelder van die tempel van El-Berít in.
-
47
|Jueces 9:47|
En toe dit aan Abiméleg meegedeel is dat al die burgers van die toring van Sigem bymekaargekom het,
-
48
|Jueces 9:48|
klim Abiméleg, hy en al die manskappe wat by hom was, op die berg Salmon; en Abiméleg het byle met hom saamgeneem en 'n boomtak afgekap en opgetel en dit op sy skouer gesit en aan die manskappe wat by hom was, gesê: Wat julle my sien doen, doen dit my gou na.
-
49
|Jueces 9:49|
Daarop kap al die manskappe ook elkeen sy tak af en hulle volg Abiméleg en gooi dit op die kelder en steek die kelder bo-op hulle aan die brand, sodat ook al die mense van die Sigemstoring, omtrent duisend manne en vroue, gesterf het.
-
50
|Jueces 9:50|
Daarna het Abiméleg na Tebes getrek en Tebes beleër en dit ingeneem.
-
51
|Jueces 9:51|
Maar in die middel van die stad was 'n sterk toring; en daarheen het al die manne en vroue en al die burgers van die stad gevlug, en hulle het agter hulle toegesluit en bo-op die dak van die toring geklim.
-
52
|Jueces 9:52|
En Abiméleg het gekom tot by die toring en daarteen geveg; maar toe hy nader kom tot by die ingang van die toring om dit met vuur te verbrand,
-
53
|Jueces 9:53|
gooi 'n vrou die boonste meulsteen op die hoof van Abiméleg en verbrysel sy skedel.
-
54
|Jueces 9:54|
Toe roep hy gou die dienaar, sy wapendraer, en sê vir hom: Trek jou swaard uit en maak my van kant, dat hulle nie van my kan sê: 'n Vrou het hom gedood nie. Daarop het sy dienaar hom deurboor, en hy het gesterwe.
-
55
|Jueces 9:55|
En toe die manne van Israel sien dat Abiméleg dood was, het hulle elkeen na sy woonplek gegaan.
-
-
Sugerencias
Haga clic para leer Job 20-21