-
-
Afrikaans (1953) -
-
31
|Marcos 4:31|
Dit is soos 'n mosterdsaad, wat die kleinste is van al die soorte saad op die aarde wanneer dit in die grond gesaai is;
-
32
|Marcos 4:32|
en wanneer dit gesaai is, kom dit op en word groter as al die groentesoorte en maak groot takke, sodat die voëls van die hemel onder sy skaduwee nes kan maak.
-
33
|Marcos 4:33|
En met baie sulke gelykenisse het Hy die woord tot hulle gespreek volgens wat hulle kon verstaan;
-
34
|Marcos 4:34|
en sonder gelykenis het Hy tot hulle nie gespreek nie; maar afsonderlik het Hy vir sy dissipels alles uitgelê.
-
35
|Marcos 4:35|
En toe dit aand geword het op daardie dag, het Hy vir hulle gesê: Laat ons oorvaar na die ander kant.
-
36
|Marcos 4:36|
En hulle het die skare verlaat en Hom, net soos Hy was, saamgeneem in die skuit; en daar was ook ander skuitjies by Hom.
-
37
|Marcos 4:37|
En 'n groot stormwind het opgekom, en die golwe het in die skuit geslaan, sodat dit al vol wou word.
-
38
|Marcos 4:38|
Maar Hy was agter op die skuit aan die slaap op die kussing. En hulle het Hom wakker gemaak en vir Hom gesê: Meester, gee U nie om dat ons vergaan nie?
-
39
|Marcos 4:39|
En Hy het opgestaan en die wind bestraf en vir die see gesê: Swyg, wees stil! En die wind het gaan lê, en daar het 'n groot stilte gekom.
-
40
|Marcos 4:40|
Toe sê Hy vir hulle: Waarom is julle so bang? Hoe het julle dan geen geloof nie?
-
-
Sugerencias
Haga clic para leer Job 8-10