-
-
Maori -
-
1
|Colossenses 2:1|
¶ E mea ana hoki ahau kia mohio koutou ki te nui o toku uaua mo koutou, mo te hunga ano hoki o Raorikia, a mo te hunga katoa hoki kahore nei i kite noa i toku mata i te kikokiko;
-
2
|Colossenses 2:2|
Kia whakamarietia o ratou ngakau, kia tuhonohonoa i runga i te aroha, kia taea ai nga taonga katoa o te tino whakaunga o te ngakau mahara, kia matau ai ratou ki te mea ngaro a te Atua, ara ki a te Karaiti;
-
3
|Colossenses 2:3|
Kei roto nei i a ia nga taonga katoa o te mahara, o te matauranga e huna ana.
-
4
|Colossenses 2:4|
¶ Na i korero ai ahau i tenei, kei kumea ketia koutou e te korero reka a te tangata.
-
5
|Colossenses 2:5|
No te mea ahakoa kei tawhiti toku kikokiko, kei a koutou na toku wairua, e hari ana, e titiro ana ki a koutou ritenga tika, ki te u ano hoki o to koutou whakapono ki a te Karaiti.
-
6
|Colossenses 2:6|
Na, kua riro na te Ariki, a Karaiti Ihu i a koutou, kia pena ano ta koutou haere i roto i a ia;
-
7
|Colossenses 2:7|
Kia whai pakiaka, ano he whare i hanga ki runga ki a ia, whakapumau rawa ki runga ki to koutou whakapono, kia pera me koutou i whakaakona ra, kia hira rawa ai te whakawhetai.
-
8
|Colossenses 2:8|
Kia tupato kei roro parau koutou i to te tangata whakaaro mohio, i te tinihanga huakore, e rite nei ki te whakarerenga iho a te tangata, ki nga mea timatanga o te ao, a kahore ki a te Karaiti.
-
9
|Colossenses 2:9|
Kei roto katoa hoki i a ia te tino o te Atua e noho a tinana ana.
-
10
|Colossenses 2:10|
A kua tino tangata ano koutou i roto i a ia, ko te nei ia o nga rangatiratanga, o nga mana katoa;
-
-
Sugerencias
Haga clic para leer 1 Crónicas 4-6