-
-
Maori -
-
1
|Colossenses 3:1|
¶ Na, ki te mea kua ara ngatahi koutou me te Karaiti, rapua nga mea o runga, o te wahi e noho mai nei a te Karaiti i te ringa matau o te Atua.
-
2
|Colossenses 3:2|
Kia anga atu to koutou whakaaro ki nga mea o runga, kaua ki nga mea kei te whenua.
-
3
|Colossenses 3:3|
Kua mate hoki koutou, a kua oti to koutou ora te huna ki a te Karaiti i roto i te Atua.
-
4
|Colossenses 3:4|
I te whakakitenga mai o te Karaiti, o to tatou ora, ko reira hoki koutou whakakitea tahitia ai me ia i runga i te kororia.
-
5
|Colossenses 3:5|
¶ Na, whakamatea o koutou wahi i runga i te whenua; te moe tahae, te poke, te minamina ki te he, te hiahia kino, me te apo, he karakia whakapakoko hoki tena.
-
6
|Colossenses 3:6|
He mea hoki enei e puta mai ai te riri o te Atua ki nga tamariki a te tutu.
-
7
|Colossenses 3:7|
I roto hoki koutou i enei mea e haere ana i mua, i a koutou e noho ana i roto i aua mea.
-
8
|Colossenses 3:8|
¶ Tena ko tenei whakarerea enei mea katoa; te aritarita, te riri, te mauahara, te korero kino, te korero whakarihariha, i roto i o koutou mangai.
-
9
|Colossenses 3:9|
Kaua e teka tetahi ki tetahi, kua unuhia atu hoki i a koutou te tangata tawhito me ana hanga;
-
10
|Colossenses 3:10|
Kua kakahuria nei te tangata hou, e whakahoutia nei i runga i te matauranga kia rite ki te ahua o tona kaihanga.
-
-
Sugerencias
Haga clic para leer 1 Crónicas 4-6