-
-
Maori -
-
1
|Hebreos 10:1|
¶ I te mea ko to te ture he atarangi no nga mea pai e puta ana mai i muri, ehara i te ahua pu o aua mea, e kore e whai mana i aua patunga tapu e whakaeketia tonutia ana e ratou i tenei tau, i tenei tau, e tino tika ai te hunga e whakatata ana.
-
2
|Hebreos 10:2|
Penei e kore ranei e mutu te whakaeke? me i oti hoki te hunga nana taua karakia te mea kia ma, kua kore o ratou mahara ki nga hara?
-
3
|Hebreos 10:3|
I aua patunga tapu ia e hokihoki ana te mahara ki nga hara i ia tau, i ia tau.
-
4
|Hebreos 10:4|
E kore hoki e tau ma nga toto o nga puru, o nga koati e whakakahore nga hara.
-
5
|Hebreos 10:5|
Na reira i a ia e haere mai ana ki te ao, ka mea ia, Kihai i matenuitia e koe te patunga tapu me te whakahere, kua rite mai i a koe he tinana moku.
-
6
|Hebreos 10:6|
Kihai koe i ahuareka ki nga tahunga tinana ki nga whakahere hara:
-
7
|Hebreos 10:7|
¶ Katahi ahau ka mea atu, Tenei ahau te haere atu nei, kei roto i te upoko o te pukapuka te tuhituhinga moku, ki te mea i tau i pai ai, e te Atua.
-
8
|Hebreos 10:8|
I tana meatanga i mua ake, Kihai koe i matenui ki te patunga tapu, ki te whakahere, ki nga tahunga tinana, ki nga whakahere hara, kahore ano hoki ou ahuareka mai, he mea nei e tapaea ana i runga i te ture;
-
9
|Hebreos 10:9|
Katahi ia ka mea, Tenei ahau te haere atu nei ki te mea i tau i pai ai, e te Atua. E tangohia ana e ia te tuatahi, kia whakaturia ai e ia te tuarua.
-
10
|Hebreos 10:10|
Na taua pai nei i oti ai tatou te whakatapu, he meatanga na te tapaenga atu kotahi o te tinana o Ihu Karaiti.
-
-
Sugerencias
Haga clic para leer 1 Corintios 1-4