-
-
Maori -
-
1
|Hebreos 5:1|
¶ Ko ia tohunga nui hoki e tangohia nei i roto i nga tangata, he mea whakatu ratou mo nga mea a nga tangata ki te Atua, hei tapae i nga whakahere, i nga patunga tapu mo nga hara:
-
2
|Hebreos 5:2|
E taea e ia te ata hanga ki te hunga e kuware ana, e kotiti ke ana; no te mea e muia ana ano ia e te ngoikore;
-
3
|Hebreos 5:3|
Na konei i tika ai, kia rite ki tana mo te iwi tana e tapae ai mona ake, hei whakahere mo nga hara.
-
4
|Hebreos 5:4|
E kore ano hoki tetahi e tango i tenei honore ki a ia ano, engari te tangata e karangatia ana e te Atua, e peratia ana me Arona.
-
5
|Hebreos 5:5|
Waihoki ko te Karaiti kahore ana whakanui i a ia hei tohunga nui; na tera ke i ki ra ki a ia, Ko koe taku Tama, nonaianei koe i whakatupuria ai e ahau.
-
6
|Hebreos 5:6|
Pera hoki me tana i ki ai i tetahi atu wahi, Hei tohunga koe ake ake i runga i te ritenga o Merekihereke.
-
7
|Hebreos 5:7|
I nga ra o tona kikokiko, i tukua e ia he inoi, he karakia, i runga i te karangaranga kaha, i te roimata, ki te Mea kaha ki te whakaora i a ia i te mate, a whakarangona ana mona i wehi ki te Atua;
-
8
|Hebreos 5:8|
Ahakoa he Tama ia, i whakaakona ia ki te ngohengohe e ona mamae:
-
9
|Hebreos 5:9|
A ka meinga nei ia kia tino rite, ka waiho ia hei take mo te ora tonu ki te hunga katoa e ngohengohe ana ki a ia;
-
10
|Hebreos 5:10|
¶ He mea karanga na te Atua hei tohunga nui i runga i te ritenga o Merekihereke.
-
-
Sugerencias
Haga clic para leer 1 Corintios 11-13