-
-
Maori -
-
20
|Hebreos 7:20|
Na kihai nei i mahue te oati:
-
21
|Hebreos 7:21|
Ko era hoki kahore he oati i to ratou whakatohungatanga; he oati ia i to tenei, na tera i ki mai ra ki a ia, Kua oati te Ariki, a e kore e puta ke tona whakaaro, hei tohunga koe ake ake i runga i te ritenga o Merekihereke:
-
22
|Hebreos 7:22|
Koia i nui ke ai te pai o te kawenata ko Ihu nei tona kaiwhakamau.
-
23
|Hebreos 7:23|
He tokomaha hoki ratou i whakatohungatia, ta te mea kihai i tukua e te mate kia tu tonu;
-
24
|Hebreos 7:24|
Ko tenei ia, e mau tonu ana ake ake, e kore ano e puta ke tana mahi tohunga.
-
25
|Hebreos 7:25|
Na, e taea ano e ia te tino whakaora te hunga e na runga atu ana i a ia ki te Atua; e ora tonu ana hoki ia hei inoi mo ratou.
-
26
|Hebreos 7:26|
He pai rawa hoki tenei tu tohunga nui mo tatou, te tapu, te kinokore, te pokekore, he mea motu ke i te hunga hara, kua whakanekehia ake ano hoki ki runga ake i nga rangi;
-
27
|Hebreos 7:27|
Kahore ana mea e pera ai ia me nga tohunga nui, e whakaeke patunga tapu ai ia i ia ra, mo ona hara ake i te tuatahi, muri iho mo o te iwi; kotahi tonu hoki tana meatanga i tenei, i tana whakaekenga atu i a ia ake.
-
28
|Hebreos 7:28|
Ko nga tohunga nui hoki e whakaturia ana e te ture, he tangata e pehia ana e te ngoikore; ko ta te kupu ia o te oati, i muri nei i te ture, ko te Tama, kua oti nei te mea kia tino tika ake ake.
-
1
|Hebreos 8:1|
¶ Na, ko te tino tenei o enei korero: He tohunga pera to tatou, kua noho ki matau o te torona o te Nui i nga rangi;
-
-
Sugerencias
Haga clic para leer 1 Corintios 5-7