-
-
Tagalog - Ang Dating Biblia (1905) -
-
1
|Hebreus 10:1|
Sapagka't ang kautusan na may isang anino ng mabubuting bagay na darating, hindi ang tunay na larawan ng mga bagay, kailan pa man ay di maaaring magpasakdal sa mga nagsisilapit sa pamamagitan ng mga hain na laging inihahandog sa taon-taon.
-
2
|Hebreus 10:2|
Sa ibang paraan ay hindi kaya baga nagsipaglikat sila ng paghahandog? sapagka't ang mga nagsisisamba, yamang nalinis na minsan, ay hindi na sana nagkaroon pa ng budhi sa mga kasalanan.
-
3
|Hebreus 10:3|
Nguni't sa mga hain yaon ginagawa ang pagaalaala sa mga kasalanan taon-taon.
-
4
|Hebreus 10:4|
Sapagka't di maaari na ang dugo ng mga baka at ng mga kambing ay makapagalis ng mga kasalanan.
-
5
|Hebreus 10:5|
Kaya't pagpasok niya sa sanglibutan, ay sinasabi, Hain at handog ay hindi mo ibig. Nguni't isang katawan ang sa akin ay inihanda mo;
-
6
|Hebreus 10:6|
Sa mga handog na susunugin at mga haing patungkol sa mga kasalanan ay hindi ka nalugod.
-
7
|Hebreus 10:7|
Nang magkagayo'y sinabi ko, Narito, ako'y pumarito (sa balumbon ng aklat ay nasusulat tungkol sa akin.) Upang gawin, Oh Dios, ang iyong kalooban.
-
8
|Hebreus 10:8|
Sa itaas ay sinasabi, Mga hain at mga handog at mga handog na susunuging buo at mga haing patungkol sa kasalanan ay hindi mo ibig, at di mo rin kinalulugdan (mga bagay na inihahandog ayon sa kautusan),
-
9
|Hebreus 10:9|
Saka sinabi niya, Narito, ako'y pumarito upang gawin ang iyong kalooban. Inaalis niya ang una, upang maitatag ang ikalawa.
-
10
|Hebreus 10:10|
Sa kaloobang yaon tayo'y pinapaging-banal, sa pamamagitan ng pagkahandog ng katawan ni Cristo na minsan magpakailan man.
-
-
Sugestões
Clique para ler Apocalipse 21-21