-
-
Tagalog - Ang Dating Biblia (1905) -
-
1
|Marcos 8:1|
Nang mga araw na yaon, nang magkaroong muli ng maraming tao, at wala silang mangakain, ay tinawag niya ang kaniyang mga alagad, at sinabi sa kanila,
-
2
|Marcos 8:2|
Nahahabag ako sa karamihan, sapagka't tatlong araw nang sila'y nangatira sa akin, at walang mangakain:
-
3
|Marcos 8:3|
At kung sila'y pauwiin kong nangagugutom sa kanilang mga tahanan, ay magsisipanglupaypay sila sa daan; at nagsipanggaling sa malayo ang ilan sa kanila.
-
4
|Marcos 8:4|
At nagsisagot sa kaniya ang kaniyang mga alagad, Paanong mabubusog ninoman ang mga taong ito ng tinapay dito sa isang ilang na dako?
-
5
|Marcos 8:5|
At kaniyang tinanong sila, Ilang tinapay mayroon kayo? At sinabi nila, Pito.
-
6
|Marcos 8:6|
At iniutos niya sa karamihan na magsiupo sa lupa; at kinuha niya ang pitong tinapay, at pagkapagpasalamat, ay pinagputolputol niya, at ibinigay sa kaniyang mga alagad, upang ihain sa kanila; at inihain nila sa karamihan.
-
7
|Marcos 8:7|
At mayroon silang ilang maliliit na isda: at nang mapagpala ang mga ito, ay ipinagutos niya na ihain din naman ang mga ito sa kanila.
-
8
|Marcos 8:8|
At sila'y nagsikain, at nangabusog: at kanilang pinulot ang lumabis sa mga pinagputolputol, na pitong bakol na puno.
-
9
|Marcos 8:9|
At sila'y may mga apat na libo: at pinayaon niya sila.
-
10
|Marcos 8:10|
At pagdaka'y lumulan siya sa daong na kasama ang kaniyang mga alagad, at napasa mga sakop ng Dalmanuta.
-
-
Sugestões
Clique para ler Apocalipse 22-22