-
Leia por capÃtulos
-
Tagalog - Ang Dating Biblia (1905) -
-
1
|Mateus 17:1|
At pagkaraan ng anim na araw, ay isinama ni Jesus si Pedro, at si Santiago, at si Juan na kapatid niya, at sila'y dinalang bukod sa isang mataas na bundok:
-
2
|Mateus 17:2|
At nagbagong-anyo siya sa harap nila; at nagliwanag ang kaniyang mukha na katulad ng araw, at pumuting tulad sa ilaw ang kaniyang mga damit.
-
3
|Mateus 17:3|
At narito, napakita sa kanila si Moises at si Elias na nakikipagusap sa kaniya.
-
4
|Mateus 17:4|
At sumagot si Pedro, at sinabi kay Jesus, Panginoon, mabuti sa atin ang tayo'y dumito: kung ibig mo, ay gagawa ako rito ng tatlong tabernakulo; isa ang sa iyo, at isa ang kay Moises, at isa ang kay Elias.
-
5
|Mateus 17:5|
Samantalang nagsasalita pa siya, narito, ang isang maningning na alapaap ay lumilim sa kanila: at narito, ang isang tinig na mula sa alapaap, na nagsasabi, Ito ang sinisinta kong Anak, na siya kong kinalulugdan; siya ang inyong pakinggan.
-
6
|Mateus 17:6|
At nang marinig ito ng mga alagad, ay nangasubasub sila, at lubhang nangatakot.
-
7
|Mateus 17:7|
At lumapit si Jesus at sila'y tinapik, at sinabi, Mangagbangon kayo, at huwag kayong mangatakot.
-
8
|Mateus 17:8|
At sa paglingap ng kanilang mga mata, ay wala silang nakitang sinoman, kundi si Jesus lamang.
-
9
|Mateus 17:9|
At habang sila'y nagsisibaba mula sa bundok, ay iniutos sa kanila ni Jesus, na nagsasabi, Huwag ninyong sabihin kanino mang tao ang pangitain, hanggang sa ang Anak ng tao ay ibangon sa mga patay.
-
10
|Mateus 17:10|
At tinanong siya ng kaniyang mga alagad, na nangagsasabi, Bakit nga sinasabi ng mga eskriba na kinakailangang pumarito muna si Elias?
-
-
Sugestões
Clique para ler Apocalipse 22-22