-
-
Tagalog - Ang Dating Biblia (1905) -
-
1
|1 Reyes 17:1|
At si Elias na Thisbita, na sa mga nakikipamayan sa Galaad, ay nagsabi kay Achab: Buhay ang Panginoon, ang Dios ng Israel, na ako'y nakatayo sa harap niya hindi magkakaroon ng hamog o ulan man sa mga taong ito, kundi ayon sa aking salita.
-
2
|1 Reyes 17:2|
At ang salita ng Panginoon ay dumating sa kaniya, na nagsasabi,
-
3
|1 Reyes 17:3|
Umalis ka rito, at lumiko ka sa dakong silanganan, at magkubli ka sa tabi ng batis Cherith na nasa tapat ng Jordan.
-
4
|1 Reyes 17:4|
At mangyayari, na ikaw ay iinom sa batis; at aking iniutos sa mga uwak na pakanin ka roon.
-
5
|1 Reyes 17:5|
Sa gayo'y naparoon siya at ginawa ang ayon sa salita ng Panginoon: sapagka't siya'y pumaroon at tumahan sa tabi ng batis Cherith, na nasa tapat ng Jordan.
-
6
|1 Reyes 17:6|
At dinadalhan siya ng tinapay at laman ng mga uwak sa umaga, at tinapay at laman sa hapon, at siya'y umiinom sa batis.
-
7
|1 Reyes 17:7|
At nangyari, pagkaraan ng sanggayon, na ang batis ay natuyo, sapagka't walang ulan sa lupain.
-
8
|1 Reyes 17:8|
At ang salita ng Panginoon ay dumating sa kaniya, na sinasabi,
-
9
|1 Reyes 17:9|
Ikaw ay bumangon, paroon ka sa Sarepta, na nauukol sa Sidon, at tumahan ka roon: narito, aking inutusan ang isang baong babae roon na pakanin ka.
-
10
|1 Reyes 17:10|
Sa gayo'y bumangon siya, at naparoon sa Sarepta; at nang siya'y dumating sa pintuan ng bayan, narito, isang baong babae ay nandoon na namumulot ng mga patpat: at tinawag niya siya, at sinabi, Isinasamo ko sa iyo na dalhan mo ako ng kaunting tubig sa inuman, upang aking mainom.
-
-
Sugerencias
Haga clic para leer 1 Pedro 1-5