-
-
Tagalog - Ang Dating Biblia (1905) -
-
1
|1 Timoteo 2:1|
Una-una nga sa lahat ng mga bagay, ay iniaaral ko na manaing, manalangin, mamagitan, at magpasalamat na patungkol sa lahat ng mga tao;
-
2
|1 Timoteo 2:2|
Ang mga hari at ang lahat ng nangasa mataas na kalagayan; upang tayo'y mangabuhay na tahimik at payapa sa buong kabanalan at kahusayan.
-
3
|1 Timoteo 2:3|
Ito'y mabuti at nakalulugod sa paningin ng Dios na ating Tagapagligtas;
-
4
|1 Timoteo 2:4|
Na siyang may ibig na ang lahat ng mga tao'y mangaligtas, at mangakaalam ng katotohanan.
-
5
|1 Timoteo 2:5|
Sapagka't may isang Dios at may isang Tagapamagitan sa Dios at sa mga tao, ang taong si Cristo Jesus,
-
6
|1 Timoteo 2:6|
Na ibinigay ang kaniyang sarili na pangtubos sa lahat; na pagpapatotoong mahahayag sa sariling kapanahunan;
-
7
|1 Timoteo 2:7|
Na dito'y itinalaga ako na tagapangaral at apostol (sinasabi ko ang katotohanan, hindi ako nagsisinungaling), guro sa mga Gentil sa pananampalataya at katotohanan.
-
8
|1 Timoteo 2:8|
Ibig ko ngang ang mga tao'y magsipanalangin sa bawa't dako, na iunat ang mga kamay na banal, na walang galit at pakikipagtalo.
-
9
|1 Timoteo 2:9|
Gayon din naman, na ang mga babae ay magsigayak ng mahinhing damit na may katimtiman at hinahon; hindi ng mahalagang hiyas ng buhok, at ginto o perlas o damit na mahalaga;
-
10
|1 Timoteo 2:10|
Kundi (siyang nararapat sa mga babae na magpakabanal) sa pamamagitan ng mabubuting gawa.
-
-
Sugerencias
Haga clic para leer 1 Corintios 5-7