-
-
Tagalog - Ang Dating Biblia (1905) -
-
1
|Colossenses 4:1|
Mga panginoon, gawin ninyo sa inyong mga alipin ang matuwid, at katampatan; yamang nalalaman ninyo na kayo naman ay mayroong ding isang Panginoon sa langit.
-
2
|Colossenses 4:2|
Manatili kayong palagi sa pananalangin, na kayo'y mangagpuyat na may pagpapasalamat;
-
3
|Colossenses 4:3|
Na tuloy idalangin din ninyo kami, na buksan sa amin ng Dios ang pinto sa salita, upang aming salitain ang hiwaga ni Cristo, na dahil din dito'y may mga tanikala ako;
-
4
|Colossenses 4:4|
Upang ito'y aking maihayag, gaya ng aking nararapat na salitain.
-
5
|Colossenses 4:5|
Magsilakad kayo na may karunungan sa nangasa labas, na inyong samantalahin ang panahon.
-
6
|Colossenses 4:6|
Ang inyong pananalita nawa'y laging may biyaya, na magkalasang asin, upang inyong maalaman kung ano ang nararapat ninyong isagot sa bawa't isa.
-
7
|Colossenses 4:7|
Ang lahat na mga bagay ukol sa akin ay ipatatalastas sa inyo ni Tiquico, na minamahal na kapatid at tapat na ministro, at kasamang lingkod sa Panginoon:
-
8
|Colossenses 4:8|
Na siyang aking sinugo sa inyo sa bagay na ito, upang maalaman ninyo ang aming kalagayan, at upang kaniyang aliwin ang inyong mga puso;
-
9
|Colossenses 4:9|
Na kasama ni Onesimo, tapat at minamahal na kapatid, na siya'y isa sa inyo. Sila ang magpapatalastas sa inyo ng lahat ng mga bagay na nangyayari dini.
-
10
|Colossenses 4:10|
Binabati kayo ni Aristarco na kasama ko sa bilangguan, at ni Marcos na pinsan ni Bernabe (tungkol sa kaniya'y tinanggap na ninyo ang mga utos: kung paririyan siya sa inyo, ay inyong tanggapin),
-
-
Sugerencias
Haga clic para leer 1 Corintios 11-13