-
-
Tagalog - Ang Dating Biblia (1905) -
-
1
|Cantares 2:1|
Ako'y rosa ng Saron, lila ng mga libis.
-
2
|Cantares 2:2|
Kung paano ang lila sa gitna ng mga tinik, gayon ang aking pagsinta sa mga dalaga.
-
3
|Cantares 2:3|
Kung paano ang puno ng mansanas sa gitna ng mga punong kahoy sa gubat, gayon ang aking sinta sa gitna ng mga anak na lalake. Ako'y nauupo sa ilalim ng kaniyang lilim na may malaking kaluguran. At ang kaniyang bunga ay naging matamis sa aking lasa.
-
4
|Cantares 2:4|
Dinala niya sa bahay na may pigingan, at ang kaniyang watawat sa akin ay pagsinta.
-
5
|Cantares 2:5|
Kandilihin ninyo ako ng mga pasas, aliwin ninyo ako ng mga mansanas: sapagka't ako'y may sakit na pagsinta.
-
6
|Cantares 2:6|
Ang kaniyang kaliwang kamay ay nasa ilalim ng aking ulo, at ang kaniyang kanang kamay ay yumayakap sa akin.
-
7
|Cantares 2:7|
Pinagbibilinan ko kayo, Oh mga anak na babae ng Jerusalem, alangalang sa mga usang lalake at babae sa parang, na huwag ninyong pukawin, o gisingin man ang aking pagsinta, hanggang sa ibigin niya.
-
8
|Cantares 2:8|
Ang tinig ng aking sinta! narito, siya'y dumarating, na lumulukso sa mga bundok, lumulundag sa mga burol.
-
9
|Cantares 2:9|
Ang aking sinta ay gaya ng usa o ng batang usa: narito, siya'y tumatayo sa likod ng ating bakod, siya'y sumusungaw sa mga dungawan, siya'y napakikita sa mga silahia.
-
10
|Cantares 2:10|
Ang aking sinta ay nagsalita, at nagsabi sa akin, Bumangon ka, sinta ko, maganda ko, at tayo na.
-
-
Sugerencias
Haga clic para leer 2 Crónicas 14-16