-
-
Tagalog - Ang Dating Biblia (1905) -
-
1
|Efesios 5:1|
Kayo nga'y magsitulad sa Dios, na gaya ng mga anak na minamahal;
-
2
|Efesios 5:2|
At magsilakad kayo sa pagibig, gaya rin naman ng pagibig ni Cristo sa inyo, at ibinigay dahil sa atin ang kaniyang sarili, na hain at handog sa Dios upang maging samyo ng masarap na amoy.
-
3
|Efesios 5:3|
Nguni't ang pakikiapid, at ang lahat ng karumihan, o kasakiman, ay huwag man lamang masambit sa inyo, gaya ng nararapat sa mga banal;
-
4
|Efesios 5:4|
O ang karumihan man, o mga mangmang na pananalita, o ang mga pagbibiro, na di nangararapat: kundi kayo'y magpasalamat.
-
5
|Efesios 5:5|
Sapagka't talastas ninyong lubos, na sinomang mapakiapid, o mahalay, o masakim, na isang mapagsamba sa mga diosdiosan, ay walang anomang mamanahin sa kaharian ni Cristo at ng Dios.
-
6
|Efesios 5:6|
Huwag kayong madaya ng sinoman ng mga salitang walang kabuluhan: sapagka't dahil sa mga bagay na ito'y dumarating ang galit ng Dios sa mga anak ng pagsuway.
-
7
|Efesios 5:7|
Huwag kayong makibahagi sa kanila;
-
8
|Efesios 5:8|
Sapagka't noong panahon kayo'y kadiliman, datapuwa't ngayon kayo'y kaliwanagan sa Panginoon: magsilakad kayong gaya ng mga anak ng kaliwanagan:
-
9
|Efesios 5:9|
(Sapagka't ang bunga ng kaliwanagan ay nabubuo ng kabutihan at katuwiran at katotohanan),
-
10
|Efesios 5:10|
Na inyong pinatutunayan ang kinalulugdan ng Panginoon;
-
-
Sugerencias
Haga clic para leer 2 Crónicas 17-20