-
Leer por capítulos:
-
Tagalog - Ang Dating Biblia (1905) -
-
1
|Ezequiel 22:1|
Bukod dito'y ang salita ng Panginoon ay dumating sa akin, na nagsasabi,
-
2
|Ezequiel 22:2|
At Ikaw, anak ng tao, hahatulan mo baga, hahatulan mo baga ang bayang mabagsik? ipakilala mo nga sa kaniya ang lahat niyang kasuklamsuklam.
-
3
|Ezequiel 22:3|
At iyong sabihin, Ganito ang sabi ng Panginoong Dios: Bayang nagbububo ng dugo sa gitna niya, na ang kaniyang panahon ay darating, at gumagawa ng mga diosdiosan laban sa kaniyang sarili, upang mapahamak siya!
-
4
|Ezequiel 22:4|
Ikaw ay naging salarin dahil sa iyong dugo na iyong ibinubo, at ikaw ay napahamak sa iyong mga diosdiosan na iyong ginawa; at iyong pinalapit ang iyong mga kaarawan, at ikaw ay dumating hanggang sa iyong mga taon; kaya't ginawa kitang isang kapulaan sa mga bansa, at isang katuyaan sa lahat na lupain.
-
5
|Ezequiel 22:5|
Yaong mga malapit, at yaong mga malayo, ay magsisituya sa iyo, ikaw na napahamak at puno ng kagulo.
-
6
|Ezequiel 22:6|
Narito, ang mga prinsipe sa Israel, na bawa't isa'y ayon sa kaniyang kapangyarihan, napasa iyo upang magbubo ng dugo.
-
7
|Ezequiel 22:7|
Sa iyo'y kanilang niwalang kabuluhan ang ama't ina; sa gitna mo ay pinahirapan nila ang taga ibang lupa; sa iyo'y kanilang pinighati ang ulila at ang babaing bao.
-
8
|Ezequiel 22:8|
Iyong hinamak ang aking mga banal na bagay, at iyong nilapastangan ang aking mga sabbath.
-
9
|Ezequiel 22:9|
Mga maninirang puri ay napasa iyo upang magbubo ng dugo: at sa iyo'y nagsikain sila sa mga bundok: sa gitna mo ay nagkasala sila ng kahalayan.
-
10
|Ezequiel 22:10|
Sa iyo'y kanilang inilitaw ang kahubaran ng kanilang mga magulang; sa iyo'y pinapakumbaba niya siya na marumi sa kaniyang pagkahiwalay.
-
-
Sugerencias
Haga clic para leer 1 Corintios 1-4