-
-
Tagalog - Ang Dating Biblia (1905) -
-
1
|Marcos 12:1|
At nagpasimulang pinagsalitaan niya sila sa mga talinghaga. Nagtanim ang isang tao ng isang ubasan, at binakuran ng mga buhay na punong kahoy, at humukay roon ng isang pisaan ng ubas, at nagtayo ng isang bantayan, at ipinagkatiwala yaon sa mga magsasaka, at napasa ibang lupain.
-
2
|Marcos 12:2|
At sa kapanahunan ay nagsugo siya ng isang alipin sa mga magsasaka, upang tanggapin niya sa mga magsasaka ang mga bunga ng ubasan.
-
3
|Marcos 12:3|
At hinawakan nila siya, at hinampas siya, at siya'y pinauwing walang dala.
-
4
|Marcos 12:4|
At siya'y muling nagsugo sa kanila ng ibang alipin; at ito'y kanilang sinugatan sa ulo, at dinuwahagi.
-
5
|Marcos 12:5|
At nagsugo siya ng iba; at ito'y kanilang pinatay: at ang iba pang marami; na hinampas ang iba, at ang iba'y pinatay.
-
6
|Marcos 12:6|
Mayroon pa siyang isa, isang sinisintang anak na lalake: ito'y sinugo niyang kahulihulihan sa kanila, na sinasabi, Igagalang nila ang aking anak.
-
7
|Marcos 12:7|
Datapuwa't ang mga magsasakang yaon ay nangagsangusapan, Ito ang tagapagmana; halikayo, atin siyang patayin, at magiging atin ang mana.
-
8
|Marcos 12:8|
At siya'y kanilang hinawakan, at siya'y pinatay, at itinaboy sa labas ng ubasan.
-
9
|Marcos 12:9|
Ano nga kaya ang gagawin ng panginoon ng ubasan? siya'y paroroon at pupuksain ang mga magsasaka, at ibibigay ang ubasan sa mga iba.
-
10
|Marcos 12:10|
Hindi man lamang baga nabasa ninyo ang kasulatang ito: Ang batong itinakuwil ng nangagtayo ng gusali, Ang siya ring ginawang pangulo sa panulok;
-
-
Sugerencias
Haga clic para leer 1 Corintios 11-13