-
-
Tagalog - Ang Dating Biblia (1905) -
-
1
|Marcos 4:1|
At siya'y muling nagpasimulang magturo sa tabi ng dagat. At nagpipisan sa kaniya ang lubhang maraming tao, ano pa't siya'y lumulan sa isang daong, at siya'y naupo sa dagat; at ang buong karamihan ay nasa lupa sa tabi ng dagat.
-
2
|Marcos 4:2|
At sila'y tinuruan niya ng maraming bagay sa mga talinghaga, at sinabi sa kanila sa kaniyang pagtuturo,
-
3
|Marcos 4:3|
Pakinggan ninyo: Narito, ang manghahasik ay yumaon upang maghasik:
-
4
|Marcos 4:4|
At nangyari, sa kaniyang paghahasik, na ang ilang binhi ay nangahulog sa tabi ng daan, at nagsidating ang mga ibon at kinain ito.
-
5
|Marcos 4:5|
At ang mga iba'y nangahulog sa batuhan, na doo'y walang maraming lupa; at pagdaka'y sumibol, sapagka't hindi malalim ang lupa:
-
6
|Marcos 4:6|
At nang sumikat ang araw, ay nangainitan; at dahil sa walang ugat, ay nangatuyo.
-
7
|Marcos 4:7|
At ang mga iba'y nangahulog sa dawagan, at nagsilaki ang mga dawag, at ininis ang mga pananim, at ito'y hindi nangamunga.
-
8
|Marcos 4:8|
At ang mga iba'y nangahulog sa mabuting lupa, at nangamunga, na nagsitaas at nagsilago; at may namunga ng tigtatatlongpu, at tiganim na pu, at tigisang daan.
-
9
|Marcos 4:9|
At sinabi niya, Ang may mga pakinig na ipakikinig, ay makinig.
-
10
|Marcos 4:10|
At nang siya'y magisa na, ang nangasa palibot niya na kasama ang labingdalawa ay nangagtanong sa kaniya tungkol sa mga talinghaga.
-
-
Sugerencias
Haga clic para leer Números 17-19