-
-
Tagalog - Ang Dating Biblia (1905) -
-
11
|Marcos 8:11|
At nagsilabas ang mga Fariseo, at nangagpasimulang makipagtalo sa kaniya, na hinahanapan siya ng isang tandang mula sa langit, na tinutukso siya.
-
12
|Marcos 8:12|
At nagbuntong-hininga siya ng malalim sa kaniyang espiritu, at nagsabi, Bakit humahanap ng tanda ang lahing ito? katotohanang sinasabi ko sa inyo, Walang tandang ibibigay sa lahing ito.
-
13
|Marcos 8:13|
At sila'y iniwan niya, at muling pagkalulan sa daong ay tumawid sa kabilang ibayo.
-
14
|Marcos 8:14|
At nangalimutan nilang magsipagdala ng tinapay; at wala sila kundi isang tinapay sa daong.
-
15
|Marcos 8:15|
At ipinagbilin niya sa kanila, na nagsabi, Tingnan ninyo, mangagingat kayo sa lebadura ng mga Fariseo at sa lebadura ni Herodes.
-
16
|Marcos 8:16|
At nangagkatuwiranan sila-sila rin, na nangagsasabi, Wala tayong tinapay.
-
17
|Marcos 8:17|
At pagkahalata nito ni Jesus ay sinabi sa kanila, Bakit nangagbubulaybulay kayo, sapagka't wala kayong tinapay? hindi pa baga ninyo napaghahalata, ni napaguunawa man? nangagmatigas na baga ang inyong puso?
-
18
|Marcos 8:18|
Mayroon kayong mga mata, hindi baga kayo nangakakakita? at mayroon kayong mga tainga, hindi baga kayo nangakakarinig? at hindi baga ninyo nangaaalaala?
-
19
|Marcos 8:19|
Nang aking pagputolputulin ang limang tinapay sa limang libong lalake, ilang bakol na puno ng mga pinagputolputol ang inyong binuhat? Sinabi nila sa kaniya, Labingdalawa.
-
20
|Marcos 8:20|
At nang pagputolputulin ang pitong tinapay sa apat na libo, ilang bakol na puno ng mga pinagputolputol ang binuhat ninyo? At sinabi nila sa kaniya, Pito.
-
-
Sugerencias
Haga clic para leer Salmos 18-22