-
-
Tagalog - Ang Dating Biblia (1905) -
-
52
|Marcos 14:52|
Datapuwa't kaniyang binitiwan ang kumot, at tumakas na hubo't hubad.
-
53
|Marcos 14:53|
At dinala nila si Jesus sa dakilang saserdote: at nangagpipisan sa kaniya ang lahat ng mga pangulong saserdote at ang matatanda at ang mga eskriba.
-
54
|Marcos 14:54|
At si Pedro ay sumunod sa kaniya sa malayo, hanggang sa loob ng looban ng dakilang saserdote; at nakiumpok siya sa mga punong kawal, at nagpapainit sa ningas ng apoy.
-
55
|Marcos 14:55|
Ang mga pangulong saserdote nga at ang buong Sanedrin ay nagsisihanap ng patotoo laban kay Jesus upang siya'y ipapatay; at hindi nangasumpungan.
-
56
|Marcos 14:56|
Sapagka't marami ang nagsisaksi ng kasinungalingan laban sa kaniya, at ang kanilang mga patotoo ay hindi nangagkatugma.
-
57
|Marcos 14:57|
At nagsipagtindig ang ilan, at nagsisaksi ng kasinungalingan laban sa kaniya, na sinasabi,
-
58
|Marcos 14:58|
Narinig naming sinabi niya, Aking igigiba ang templong ito na gawa ng mga kamay, at sa loob ng tatlong araw ay itatayo ko ang ibang hindi gawa ng mga kamay.
-
59
|Marcos 14:59|
At kahit sa papagayon man ay hindi rin nangagkatugma ang patotoo nila.
-
60
|Marcos 14:60|
At nagtindig sa gitna ang dakilang saserdote, at tinanong si Jesus na sinabi, Hindi ka sumasagot ng anoman? ano ang sinasaksihan ng mga ito laban sa iyo?
-
61
|Marcos 14:61|
Datapuwa't siya'y hindi umiimik, at walang isinagot. Tinanong siyang muli ng dakilang saserdote, at sinabi sa kaniya, Ikaw baga ang Cristo, ang Anak ng Mapalad?
-
-
Sugerencias
Haga clic para leer Salmos 18-22