-
-
Afrikaans (1953) -
-
1
|1 Corintios 13:1|
Al sou ek die tale van mense en engele spreek, en ek het nie die liefde nie, dan het ek 'n klinkende metaal of 'n luidende simbaal geword.
-
2
|1 Corintios 13:2|
En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie.
-
3
|1 Corintios 13:3|
En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie.
-
4
|1 Corintios 13:4|
Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie,
-
5
|1 Corintios 13:5|
handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie,
-
6
|1 Corintios 13:6|
is nie bly oor die ongeregtigheid nie, maar is bly saam met die waarheid.
-
7
|1 Corintios 13:7|
Dit bedek alles, glo alles, hoop alles, verdra alles.
-
8
|1 Corintios 13:8|
Die liefde vergaan nimmermeer; maar profesieë--hulle sal tot niet gaan; of tale--hulle sal ophou; of kennis--dit sal tot niet gaan.
-
9
|1 Corintios 13:9|
Want ons ken ten dele en ons profeteer ten dele.
-
10
|1 Corintios 13:10|
Maar as die volmaakte gekom het, dan sal wat ten dele is, tot niet gaan.
-
-
Sugerencias
Haga clic para leer 1 Pedro 1-5