-
Leer por capítulos:
-
Afrikaans (1953) -
-
21
|1 Samuel 17:21|
Israel sowel as die Filistyne het slagorde teenoor slagorde opgestel.
-
22
|1 Samuel 17:22|
Daarop gee Dawid sy pakgoed af onder bewaring van die oppasser van die pakgoed, en hy hardloop na die vegterrein. Toe hy daar aankom, vra hy sy broers na die welstand.
-
23
|1 Samuel 17:23|
En terwyl hy met hulle spreek, kom juis die baasvegter--Góliat is sy naam, die Filistyn uit Gat--uit die slagordes van die Filistyne op en spreek daardie selfde woorde, sodat Dawid dit hoor.
-
24
|1 Samuel 17:24|
Maar toe al die manne van Israel die man sien, vlug hulle vir hom weg, want hulle was baie bang.
-
25
|1 Samuel 17:25|
En die manne van Israel sê: Het julle die man gesien wat daar opkom? Want hy kom op om Israel uit te daag. En die koning sal die man wat hom verslaan, oorlaai met groot rykdom; ook sal hy sy dogter aan hom gee en sy familie in Israel vrystel van belasting.
-
26
|1 Samuel 17:26|
Daarop het Dawid die manne wat by hom staan, gevra en gesê: Wat sal met die man gebeur wat hierdie Filistyn verslaan en die smaad van Israel wegneem? Want wie is hierdie onbesnede Filistyn, dat hy die slagordes van die lewende God durf uitdaag?
-
27
|1 Samuel 17:27|
En die manskappe gee hom dieselfde antwoord: Só sal met die man gebeur wat hom verslaan.
-
28
|1 Samuel 17:28|
Toe sy oudste broer Elíab hom met die manne hoor spreek, het Elíab baie kwaad geword vir Dawid en gesê: Waarom het jy eintlik afgekom, en aan wie het jy daardie klompie kleinvee in die woestyn afgegee? Ek ken jou vermetelheid en die boosheid van jou hart, want jy het afgekom om die geveg te sien.
-
29
|1 Samuel 17:29|
En Dawid sê: Wat het ek nou gedoen? Ek vra maar net.
-
30
|1 Samuel 17:30|
En hy het by hom weggedraai na iemand anders en dieselfde woorde gespreek, en die manskappe het hom geantwoord volgens die eerste woorde.
-
-
Sugerencias
Haga clic para leer Job 15-17