-
Leer por capítulos:
-
Afrikaans (1953) -
-
1
|1 Samuel 24:1|
En daarvandaan het Dawid opgetrek en in die bergvestings van Éngedi gebly.
-
2
|1 Samuel 24:2|
En net toe Saul terugkom agter die Filistyne vandaan, is aan hom meegedeel en gesê: Kyk, Dawid is in die woestyn van Éngedi.
-
3
|1 Samuel 24:3|
Daarop het Saul drie duisend uitgesoekte manne uit die hele Israel geneem en heengegaan om Dawid en sy manne te soek teenoor die Steenbokrotse.
-
4
|1 Samuel 24:4|
Toe hy kom by die skaapkrale langs die pad waar 'n spelonk was, het Saul daar ingegaan om sy voete te bedek, terwyl Dawid en sy manne agter in die spelonk sit.
-
5
|1 Samuel 24:5|
En die manne van Dawid sê aan hom: Kyk, dit is die dag dat die HERE aan u sê: Nou gee Ek jou vyand in jou hand, en maak met hom soos goed is in jou oë. Toe staan Dawid op en sny stilletjies die slip van Saul se mantel af.
-
6
|1 Samuel 24:6|
Maar daarna het Dawid se gewete hom gepla, omdat hy die slip van Saul afgesny het,
-
7
|1 Samuel 24:7|
en hy het aan sy manne gesê: Mag die HERE my bewaar dat ek so iets aan my heer, die gesalfde van die HERE, sou doen om my hand teen hom uit te steek; want hy is die gesalfde van die HERE.
-
8
|1 Samuel 24:8|
En Dawid het sy manne streng bestraf en hulle nie toegelaat om teen Saul op te staan nie. En Saul het uit die spelonk uit opgestaan en sy koers gegaan.
-
9
|1 Samuel 24:9|
Daarna staan Dawid ook op en gaan uit die spelonk uit en roep agter Saul aan en sê: My heer die koning! Toe Saul agter hom omkyk, buig Dawid met sy aangesig na die aarde toe en val neer.
-
10
|1 Samuel 24:10|
En Dawid sê vir Saul: Waarom luister u na die woorde van mense wat sê: Kyk, Dawid soek u onheil?
-
-
Sugerencias
Haga clic para leer 2 Crónicas 10-13