-
-
Afrikaans (1953) -
-
1
|2 Corintios 6:1|
En as medewerkers vermaan ons julle ook dat julle die genade van God nie tevergeefs mag ontvang nie.
-
2
|2 Corintios 6:2|
Want Hy sê: In die tyd van die welbehae het Ek jou verhoor, en in die dag van heil het Ek jou gehelp. Kyk, nou is dit die tyd van die welbehae; kyk, nou is die dag van heil.
-
3
|2 Corintios 6:3|
Ons lê nie die minste hindernis in die weg nie, sodat die bediening nie beklad mag word nie;
-
4
|2 Corintios 6:4|
maar in alles beveel ons ons aan as dienaars van God, met baie geduld, in verdrukkinge, in node, in benoudhede;
-
5
|2 Corintios 6:5|
in slae, in gevangenskappe, in oproere, in arbeid, in slapelose nagte, in hongerly;
-
6
|2 Corintios 6:6|
in reinheid, in kennis, in lankmoedigheid, in vriendelikheid, in die Heilige Gees, in ongeveinsde liefde;
-
7
|2 Corintios 6:7|
in die woord van waarheid, in die krag van God, deur die wapens van die geregtigheid in die regter-- en linkerhand;
-
8
|2 Corintios 6:8|
deur eer en oneer, deur slegte en goeie gerug, as verleiers en tog waaragtig;
-
9
|2 Corintios 6:9|
as onbekendes en tog goed bekend, as sterwendes en kyk, ons lewe, as getugtig en tog nie gedood nie;
-
10
|2 Corintios 6:10|
as bedroefdes, maar altyd opgeruimd; as armes, maar wat baie ander ryk maak; as mense wat niks het nie en tog alles besit.
-
-
Sugerencias
Haga clic para leer Juan 16-18