-
-
Afrikaans (1953) -
-
13
|2 Corintios 6:13|
Maar by wyse van vergoeding--ek praat soos met kinders--moet julle ook verruim word.
-
14
|2 Corintios 6:14|
Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?
-
15
|2 Corintios 6:15|
En watter ooreenstemming het Christus met Bélial, of watter aandeel het die gelowige met die ongelowige?
-
16
|2 Corintios 6:16|
Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My 'n volk wees.
-
17
|2 Corintios 6:17|
Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem;
-
18
|2 Corintios 6:18|
en Ek sal vir julle 'n Vader wees, en julle sal vir My seuns en dogters wees, spreek die Here, die Almagtige.
-
1
|2 Corintios 7:1|
Terwyl ons dan hierdie beloftes het, geliefdes, laat ons ons van alle besoedeling van die vlees en die gees reinig, en laat ons die heiligmaking in die vrees van God volbring.
-
2
|2 Corintios 7:2|
Maak vir ons ruimte in julle harte. Ons het niemand onreg aangedoen nie, ons het niemand benadeel nie, ons het op niemand voordeel behaal nie.
-
3
|2 Corintios 7:3|
Ek sê dit nie om te veroordeel nie, want ek het vantevore gesê dat julle in ons harte is om saam te sterwe en saam te lewe.
-
4
|2 Corintios 7:4|
Ek het groot vrymoedigheid teenoor julle; my roem oor julle is groot; ek is vervul met troos; ek loop oor van blydskap in al ons verdrukking.
-
-
Sugerencias
Haga clic para leer Ezequiel 42-44