-
-
Afrikaans (1953) -
-
1
|2 Reyes 24:1|
In sy dae het Nebukadnésar, die koning van Babel, opgetrek, en Jójakim het drie jaar lank sy dienaar geword; daarna het hy weer teen hom gerebelleer.
-
2
|2 Reyes 24:2|
Toe stuur die HERE die bendes van die Chaldeërs teen hom en die bendes van die Arameërs en die bendes van die Moabiete en die bendes van die kinders van Ammon--Hy stuur hulle teen Juda om dit te verdelg volgens die woord van die HERE wat hy gespreek het deur die diens van sy knegte, die profete.
-
3
|2 Reyes 24:3|
Sekerlik het dit volgens die bevel van die HERE oor Juda gekom, om hulle van sy aangesig te verwyder vanweë die sondes van Manasse, volgens alles wat hy gedoen het;
-
4
|2 Reyes 24:4|
en ook oor die onskuldige bloed wat hy vergiet het, sodat hy Jerusalem met onskuldige bloed gevul het; daarom wou die HERE nie vergewe nie.
-
5
|2 Reyes 24:5|
En die verdere geskiedenis van Jójakim en alles wat hy gedoen het, is dit nie beskrywe in die Kroniekboek van die konings van Juda nie?
-
6
|2 Reyes 24:6|
En Jójakim het ontslaap met sy vaders, en sy seun Jójagin het in sy plek koning geword.
-
7
|2 Reyes 24:7|
En die koning van Egipte het nie verder meer uit sy land uitgetrek nie, want die koning van Babel het van die spruit van Egipte af tot by die Eufraatrivier alles geneem wat aan die koning van Egipte behoort het.
-
8
|2 Reyes 24:8|
Agttien jaar was Jójagin oud toe hy koning geword het, en hy het drie maande in Jerusalem geregeer; en die naam van sy moeder was Nehústa, 'n dogter van Élnatan, van Jerusalem.
-
9
|2 Reyes 24:9|
En hy het gedoen wat verkeerd was in die oë van die HERE net soos sy vader gedoen het.
-
10
|2 Reyes 24:10|
In dié tyd het die dienaars van Nebukadnésar, die koning van Babel, na Jerusalem opgetrek en die stad is beleër.
-
-
Sugerencias
Haga clic para leer Job 3-5