-
-
Afrikaans (1953) -
-
12
|Amós 5:12|
Want Ek weet dat julle oortreding menigvuldig en julle sondes geweldig is, julle wat die vyande is van die regverdige, wat omkoopgeld aanneem en die behoeftiges wegstoot in die poort.
-
13
|Amós 5:13|
Daarom swyg die verstandige in so 'n tyd, want dit is 'n onheilspellende tyd.
-
14
|Amós 5:14|
Soek wat goed is, en nie wat sleg is nie, sodat julle kan lewe en die HERE, die God van die leërskare, só met julle kan wees soos julle sê.
-
15
|Amós 5:15|
Julle moet haat wat sleg is en liefhê wat goed is, en handhaaf die reg in die poort--miskien sal die HERE, die God van die leërskare, Hom ontferm oor die oorblyfsel van Josef.
-
16
|Amós 5:16|
Daarom, so sê die HERE, die God van die leërskare, die Here: Op al die pleine weeklag! En op al die strate sal hulle sê: Ag, ag! En hulle sal na die landbouer roep om te treur, en te weeklaag na die wat verstaan om treurliedere te sing.
-
17
|Amós 5:17|
Ook sal daar in al die wingerde weeklag wees wanneer Ek in jou midde deurtrek, sê die HERE.
-
18
|Amós 5:18|
Wee die wat na die dag van die HERE verlang! Wat sal tog die dag van die HERE vir julle wees? Dit sal duisternis wees en geen lig nie.
-
19
|Amós 5:19|
Soos wanneer iemand vlug vir 'n leeu, maar 'n beer loop hom raak; of hy kom in die huis en leun met sy hand teen die muur, en 'n slang byt hom!
-
20
|Amós 5:20|
Is die dag van die HERE nie duisternis en geen lig nie, ja, donkerheid sonder 'n ligstraal?
-
21
|Amós 5:21|
Ek haat, Ek versmaad julle feeste en het geen welgevalle aan julle feestye nie.
-
-
Sugerencias
Haga clic para leer Job 3-5