-
-
Afrikaans (1953) -
-
1
|Apocalipsis 22:1|
En hy het my getoon 'n suiwer rivier van die water van die lewe, helder soos kristal, wat uitstroom uit die troon van God en van die Lam.
-
2
|Apocalipsis 22:2|
In die middel van sy straat en weerskante van die rivier was die boom van die lewe wat twaalf maal vrugte dra en elke maand sy vrugte gee, en die blare van die boom is tot genesing van die nasies.
-
3
|Apocalipsis 22:3|
En daar sal geen enkele vervloeking meer wees nie, en die troon van God en van die Lam sal daarin wees, en sy diensknegte sal Hom dien.
-
4
|Apocalipsis 22:4|
En hulle sal sy aangesig sien, en sy Naam sal op hulle voorhoofde wees.
-
5
|Apocalipsis 22:5|
En nag sal daar nie wees nie; en hulle het geen lamp of sonlig nodig nie, omdat die Here God hulle verlig; en hulle sal as konings regeer tot in alle ewigheid.
-
6
|Apocalipsis 22:6|
En hy het vir my gesê: Hierdie woorde is betroubaar en waaragtig; en die Here, die God van die heilige profete, het sy engel gestuur om sy diensknegte te toon wat gou moet gebeur.
-
7
|Apocalipsis 22:7|
Kyk, Ek kom gou. Salig is hy wat die woorde van die profesie van hierdie boek bewaar.
-
8
|Apocalipsis 22:8|
En dit is ek, Johannes, wat dit gesien en gehoor het; en toe ek dit gehoor en gesien het, het ek neergeval om te aanbid voor die voete van die engel wat my hierdie dinge getoon het.
-
9
|Apocalipsis 22:9|
Toe sê hy vir my: Moenie! want ek is 'n mededienskneg van jou en van jou broeders, die profete, en van hulle wat die woorde van hierdie boek bewaar. Aanbid God.
-
10
|Apocalipsis 22:10|
En hy het vir my gesê: Moenie die woorde van die profesie van hierdie boek verseël nie, want die tyd is naby.
-
-
Sugerencias
Haga clic para leer Job 3-5