-
-
Afrikaans (1953) -
-
1
|Apocalipsis 2:1|
Skryf aan die engel van die gemeente in Éfese: Dít sê Hy wat die sewe sterre in sy regterhand hou, wat wandel tussen die sewe goue kandelaars:
-
2
|Apocalipsis 2:2|
Ek ken jou werke en jou arbeid en jou lydsaamheid, en dat jy slegte mense nie kan verdra nie; en dat jy dié op die proef gestel het wat sê dat hulle apostels is en dit nie is nie, en hulle leuenaars bevind het;
-
3
|Apocalipsis 2:3|
en dat jy verdra het en lydsaamheid besit, en ter wille van my Naam gearbei en nie moeg geword het nie.
-
4
|Apocalipsis 2:4|
Maar Ek het teen jou dat jy jou eerste liefde verlaat het.
-
5
|Apocalipsis 2:5|
Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie.
-
6
|Apocalipsis 2:6|
Maar dit het jy, dat jy die werke van die Nikolaïete haat, wat Ek ook haat.
-
7
|Apocalipsis 2:7|
Wie 'n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die boom van die lewe wat binne in die paradys van God is.
-
8
|Apocalipsis 2:8|
En skryf aan die engel van die gemeente in Smirna: Dít sê die eerste en die laaste, wat dood was en lewend geword het:
-
9
|Apocalipsis 2:9|
Ek ken jou werke en verdrukking en armoede maar jy is ryk en die lastering van die wat sê dat hulle Jode is en dit nie is nie, maar 'n sinagoge van die Satan.
-
10
|Apocalipsis 2:10|
Vrees vir niks wat jy sal ly nie. Kyk, die duiwel gaan sommige van julle in die gevangenis werp, sodat julle op die proef gestel kan word; en julle sal tien dae lank verdrukking hê. Wees getrou tot die dood toe, en Ek sal jou die kroon van die lewe gee.
-
-
Sugerencias
Haga clic para leer Job 3-5