-
Leer por capítulos:
-
Afrikaans (1953) -
-
1
|Job 12:1|
Maar Job het geantwoord en gesê:
-
2
|Job 12:2|
Waarlik, ja, julle is die regte mense, en saam met julle sterf die wysheid uit!
-
3
|Job 12:3|
Ook ek het verstand soos julle; ek staan nie vir julle terug nie; en wie weet sulke dinge nie?
-
4
|Job 12:4|
Ek moet 'n belagging wees vir my vriend, ek wat God aangeroep en verhoring gevind het--'n belagging is die regverdige, die opregte!
-
5
|Job 12:5|
Vir die ongeluk is daar veragting volgens die gedagte van hom wat lekker lewe; dit staan klaar vir hulle wie se voet wankel.
-
6
|Job 12:6|
Rustig staan die tente van die verwoesters, en sekerheid is die deel van hulle wat God vertoorn, van hom wat sy god in sy hand dra.
-
7
|Job 12:7|
Maar vra tog vir die diere, dat hulle jou leer; en die voëls van die hemel, dat hulle jou te kenne gee;
-
8
|Job 12:8|
of spreek die aarde aan, dat dit jou leer, en laat die visse van die see jou vertel.
-
9
|Job 12:9|
Wie weet nie deur al hierdie dinge dat die hand van die HERE dit gemaak het nie?
-
10
|Job 12:10|
In wie se hand die siel is van alles wat leef, en die gees van alle menslike vlees.
-
-
Sugerencias
Haga clic para leer 1 Corintios 1-4