-
-
Afrikaans (1953) -
-
28
|Marcos 10:28|
Toe begin Petrus vir Hom te sê: Kyk, ons het alles verlaat en U gevolg.
-
29
|Marcos 10:29|
En Jesus antwoord en sê: Voorwaar Ek sê vir julle, daar is niemand wat huis of broers of susters of vader of moeder of vrou of kinders of grond ter wille van My en van die evangelie verlaat het nie,
-
30
|Marcos 10:30|
of hy ontvang nou in hierdie tyd honderd maal soveel: huise en broers en susters en moeders en kinders en grond, saam met vervolginge, en in die eeu wat kom, die ewige lewe.
-
31
|Marcos 10:31|
Maar baie wat eerste is, sal laaste wees, en die wat laaste is, eerste.
-
32
|Marcos 10:32|
En hulle was op die pad terwyl hulle opgaan na Jerusalem, en Jesus het voor hulle uit gegaan, en hulle was verbaas; en terwyl hulle volg, het hulle gevrees. En Hy het weer die twaalf by Hom geneem en aan hulle begin vertel die dinge wat met Hom sou gebeur.
-
33
|Marcos 10:33|
Kyk, sê Hy, ons gaan op na Jerusalem, en die Seun van die mens sal oorgelewer word aan die owerpriesters en die skrifgeleerdes, en hulle sal Hom tot die dood veroordeel en Hom oorlewer aan die heidene;
-
34
|Marcos 10:34|
en hulle sal Hom bespot en Hom gésel en op Hom spuug en Hom doodmaak; en op die derde dag sal Hy opstaan.
-
35
|Marcos 10:35|
En Jakobus en Johannes, die seuns van Sebedéüs, het na Hom gekom en gesê: Meester, ons wil hê dat U vir ons moet doen wat ons U ook al mag vra.
-
36
|Marcos 10:36|
En Hy sê vir hulle: Wat wil julle hê moet Ek vir julle doen?
-
37
|Marcos 10:37|
En hulle antwoord Hom: Gee aan ons dat ons mag sit in u heerlikheid, een aan u regter-- en een aan u linkerhand.
-
-
Sugerencias
Haga clic para leer Job 20-21