-
-
Afrikaans (1953) -
-
22
|Marcos 14:22|
En terwyl hulle eet, neem Jesus brood, en nadat Hy gedank het, breek Hy dit en gee dit aan hulle en sê: Neem, eet, dit is my liggaam.
-
23
|Marcos 14:23|
Toe neem Hy die beker, en nadat Hy gedank het, gee Hy dit aan hulle, en hulle het almal daaruit gedrink.
-
24
|Marcos 14:24|
En Hy sê vir hulle: Dit is my bloed, die bloed van die nuwe testament, wat vir baie uitgestort word.
-
25
|Marcos 14:25|
Voorwaar Ek sê vir julle, Ek sal nooit meer van die vrug van die wynstok drink nie, tot op daardie dag wanneer Ek dit nuut sal drink in die koninkryk van God.
-
26
|Marcos 14:26|
En toe hulle die lofsang gesing het, het hulle uitgegaan na die Olyfberg.
-
27
|Marcos 14:27|
Toe sê Jesus vir hulle: Julle sal almal in hierdie nag aanstoot neem aan My; want daar is geskrywe: Ek sal die herder slaan, en die skape sal verstrooi word.
-
28
|Marcos 14:28|
Maar nadat Ek opgestaan het, sal Ek voor julle uit na Galiléa gaan.
-
29
|Marcos 14:29|
En Petrus sê vir Hom: Al sal almal ook aanstoot neem, dan tog nie ek nie.
-
30
|Marcos 14:30|
Daarop sê Jesus vir hom: Voorwaar Ek sê vir jou, vandag, in hierdie nag, voordat die haan twee maal gekraai het, sal jy My drie maal verloën.
-
31
|Marcos 14:31|
Maar hy het nog baie meer aangehou en gesê: Al moes ek saam met U sterwe, ek sal U nooit verloën nie! En net so het almal ook gesê.
-
-
Sugerencias
Haga clic para leer 1 Corintios 14-16