-
-
Afrikaans (1953) -
-
62
|Marcos 14:62|
En Jesus sê: Ek is. En u almal sal die Seun van die mens aan die regterhand van die krag van God sien sit en kom met die wolke van die hemel.
-
63
|Marcos 14:63|
Toe skeur die hoëpriester sy klere en sê: Wat het ons nog getuies nodig!
-
64
|Marcos 14:64|
Julle het die godslastering gehoor; wat dink julle? En hulle het almal Hom veroordeel dat Hy die dood skuldig was.
-
65
|Marcos 14:65|
En sommige het begin om op Hom te spuug en sy aangesig toe te maak en Hom met die vuis te slaan en vir Hom te sê: Profeteer! En die dienaars het Hom met stokke geslaan.
-
66
|Marcos 14:66|
En terwyl Petrus onder in die binneplaas was, kom daar een van die diensmeisies van die hoëpriester,
-
67
|Marcos 14:67|
en toe sy Petrus sien, besig om hom warm te maak, kyk sy na hom en sê: Jy was ook by die Nasaréner, Jesus.
-
68
|Marcos 14:68|
Maar hy het dit ontken en gesê: Ek weet nie en begryp nie wat jy sê nie. En hy het buite na die voorplein gegaan; en die haan het gekraai.
-
69
|Marcos 14:69|
En toe die diensmeisie hom weer sien, begin sy aan die wat daar staan, te sê: Hierdie man behoort by hulle.
-
70
|Marcos 14:70|
Maar hy het dit weer ontken. En 'n bietjie later weer sê die wat daar staan vir Petrus: Waarlik, jy behoort by hulle, want jy is ook 'n Galiléër en jou spraak is net so.
-
71
|Marcos 14:71|
Toe begin hy homself te verwens en te sweer: Ek ken nie daardie man van wie julle praat nie.
-
-
Sugerencias
Haga clic para leer 1 Corintios 5-7