-
-
Afrikaans (1953) -
-
1
|Nehemías 5:1|
En daar het 'n groot geroep van die volk en van hulle vroue ontstaan teen hulle broers, die Jode;
-
2
|Nehemías 5:2|
en sommige het gesê: Ons seuns en ons dogters, ons is baie; ons wil koring hê, dat ons kan eet en lewe!
-
3
|Nehemías 5:3|
En ander het gesê: Ons lande en ons wingerde en ons huise moes ons verpand, sodat ons koring kon koop in die hongersnood!
-
4
|Nehemías 5:4|
En ander weer het gesê: Ons het op ons lande en ons wingerde geld geleen vir die belasting aan die koning.
-
5
|Nehemías 5:5|
En nou, ons vlees is soos die vlees van ons broers en ons kinders soos hulle kinders, en tog moet ons nou ons seuns en ons dogters tot slawe verneder, en van ons dogters is al verneder sonder dat ons daar iets aan kan doen, en ons lande en ons wingerde behoort aan ander.
-
6
|Nehemías 5:6|
En ek was baie verontwaardig toe ek hulle geroep en hierdie woorde hoor.
-
7
|Nehemías 5:7|
En ek het by myself beraadslaag en met die edeles en die leiers getwis en aan hulle gesê: Julle leen uit op woeker, elkeen aan sy broer! En ek het 'n groot vergadering teen hulle belê
-
8
|Nehemías 5:8|
en aan hulle gesê: Ons het ons Joodse broers wat aan die heidene verkoop was, na ons vermoë losgekoop; en tog verkoop júlle jul broers, sodat hulle hul aan ons moet verkoop. En hulle het geswyg en geen antwoord gevind nie.
-
9
|Nehemías 5:9|
Verder het ek gesê: Dit is nie goed wat julle doen nie. Moet julle nie in die vrees van onse God wandel ter wille van die smaad van die heidene, ons vyande, nie?
-
10
|Nehemías 5:10|
Ek self, my broers en my mense het ook aan hulle geld en koring geleen; laat ons tog hierdie lening kwytskeld.
-
-
Sugerencias
Haga clic para leer 1 Corintios 1-4