Esdras 7 - Versão ADB - Novo Tempo - BibliaOnLine

Esdras

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

Tagalog - Ang Dating Biblia (1905)

Capítulo 7

₁ |Esdras 7:1| Pagkatapos nga ng mga bagay na ito, sa paghahari ni Artajerjes na hari sa Persia, si Ezra na anak ni Seraias, na anak ni Azarias, na anak ni Hilcias,

₂ |Esdras 7:2| Na anak ni Sallum, na anak ni Sadoc, na anak ni Achitob,

₃ |Esdras 7:3| Na anak ni Amarias, na anak ni Azarias, na anak ni Meraioth,

₄ |Esdras 7:4| Na anak ni Zeraias, na anak ni Uzzi, na anak ni Bucci,

₅ |Esdras 7:5| Na anak ni Abisue, na anak ni Phinees, na anak ni Eleazar, na anak ni Aaron, na pangulong saserdote:

₆ |Esdras 7:6| Ang Ezra na ito ay yumaon mula sa Babilonia. At siya'y kalihim na bihasa sa kautusan ni Moises, na ibinigay ng Panginoon, ng Dios ng Israel: at tinulutan siya ng hari sa lahat niyang kahilingan, ayon sa kamay ng Panginoon niyang Dios na sumasa kaniya.

₇ |Esdras 7:7| At nakiahon sa Jerusalem ang ilan sa mga anak ni Israel, at sa mga saserdote, at sa mga Levita, at sa mga mangaawit, at sa mga tagatanod-pinto, at sa mga Nethineo, sa ikapitong taon ni Artajerjes na hari.

₈ |Esdras 7:8| At siya'y naparoon sa Jerusalem sa ikalimang buwan, na sa ikapitong taon ng hari.

₉ |Esdras 7:9| Sapagka't sa unang araw ng unang buwan ay nagpasimula siyang umahon mula sa Babilonia, at sa unang araw ng ikalimang buwan ay dumating siya sa Jerusalem, ayon sa mabuting kamay ng kaniyang Dios na sumasa kaniya.

₁₀ |Esdras 7:10| Sapagka't inilagak ni Ezra ang kaniyang puso na hanapin ang kautusan ng Panginoon, at upang gawin, at upang magturo sa Israel ng mga palatuntunan at mga kahatulan.

- Sugestões