-
-
Tagalog - Ang Dating Biblia (1905) -
-
1
|Lucas 19:1|
At siya'y pumasok at nagdaan sa Jerico.
-
2
|Lucas 19:2|
At narito, isang lalake na tinatawag sa pangalang Zaqueo; at siya'y isang puno ng mga maniningil ng buwis, at siya'y mayaman.
-
3
|Lucas 19:3|
At pinagpipilitan niyang makita si Jesus kung sino kaya siya; at hindi mangyari, dahil sa maraming tao, sapagka't siya'y pandak.
-
4
|Lucas 19:4|
At tumakbo siya sa unahan, at umakyat sa isang punong kahoy na sikomoro upang makita siya: sapagka't siya'y magdaraan sa daang yaon.
-
5
|Lucas 19:5|
At nang dumating si Jesus sa dakong yaon, ay siya'y tumingala, at sinabi sa kaniya, Zaqueo, magmadali ka, at bumaba ka; sapagka't ngayo'y kinakailangang ako'y tumuloy sa bahay mo.
-
6
|Lucas 19:6|
At siya'y nagmadali, at bumaba, at tinanggap siyang may tuwa.
-
7
|Lucas 19:7|
At nang makita nila ito, ay nangagbulongbulungan silang lahat, na nangagsasabi, Siya'y pumasok na nanunuluyan sa isang taong makasalanan.
-
8
|Lucas 19:8|
At si Zaqueo ay nagtindig, at sinabi sa Panginoon, Narito, Panginoon, ang kalahati ng aking mga pag-aari ay ibinibigay ko sa mga dukha; at kung sakali't nakasingil akong may daya sa kanino mang tao, ay isinasauli ko ng makaapat.
-
9
|Lucas 19:9|
At sinabi sa kaniya ni Jesus, Dumating sa bahay na ito ngayon ang pagkaligtas, sapagka't siya'y anak din naman ni Abraham.
-
10
|Lucas 19:10|
Sapagka't ang Anak ng tao ay naparito upang hanapin at iligtas ang nawala.
-
-
Sugerencias
Haga clic para leer 1 Pedro 1-5