-
Leer por capítulos:
-
Tagalog - Ang Dating Biblia (1905) -
-
1
|Levítico 11:1|
At sinalita ng Panginoon kay Moises at kay Aaron, na sa kanila'y sinasabi,
-
2
|Levítico 11:2|
Inyong salitain sa mga anak ni Israel, na inyong sabihin, Ito ang mga bagay na may buhay na inyong makakain sa lahat ng mga hayop na nasa lupa.
-
3
|Levítico 11:3|
Alinmang may hati ang paa na baak at ngumunguya, sa mga hayop, ay inyong makakain.
-
4
|Levítico 11:4|
Gayon ma'y huwag ninyong kakanin ang mga ito sa mga ngumunguya o doon sa mga may hati ang paa: ang kamelyo, sapagka't ngumunguya, nguni't walang hati ang paa, karumaldumal nga sa inyo.
-
5
|Levítico 11:5|
At ang koneho, sapagka't ngumunguya, datapuwa't walang hati ang paa, karumaldumal nga sa inyo.
-
6
|Levítico 11:6|
At ang liebre; sapagka't ngumunguya datapuwa't walang hati ang paa, karumaldumal nga sa inyo.
-
7
|Levítico 11:7|
At ang baboy, sapagka't may hati ang paa at baak, datapuwa't hindi ngumunguya, karumaldumal nga sa inyo.
-
8
|Levítico 11:8|
Huwag kayong kakain ng laman ng mga iyan, at ang bangkay ng mga yaon ay huwag ninyong hihipuin; mga karumaldumal nga sa inyo.
-
9
|Levítico 11:9|
Ang mga ito'y inyong makakain sa mga nasa tubig: alin mang may mga palikpik at mga kaliskis sa tubig, sa mga dagat at sa mga ilog, ay makakain ninyo.
-
10
|Levítico 11:10|
At lahat ng walang palikpik at kaliskis sa mga dagat, at sa mga ilog, at sa lahat ng mga gumagalaw sa tubig, at sa lahat ng may buhay sa tubig, ay pawang karumaldumal nga sa inyo.
-
-
Sugerencias
Haga clic para leer Números 17-19