-
Leer por capítulos:
-
Tagalog - Ang Dating Biblia (1905) -
-
1
|Mateo 26:1|
At nangyari, na nang matapos ni Jesus ang lahat ng mga salitang ito, ay sinabi niya sa kaniyang mga alagad,
-
2
|Mateo 26:2|
Nalalaman ninyo na pagkaraan ng dalawang araw ay darating ang paskua, at ibibigay ang Anak ng tao upang ipako sa krus.
-
3
|Mateo 26:3|
Nang magkagayo'y ang mga pangulong saserdote, at ang mga matanda sa bayan ay nangagkatipon sa looban ng dakilang saserdote, na tinatawag na Caifas;
-
4
|Mateo 26:4|
At sila'y nangagsanggunian upang hulihin si Jesus sa pamamagitan ng daya, at siya'y patayin.
-
5
|Mateo 26:5|
Datapuwa't sinabi nila, Huwag sa kapistahan, baka magkagulo sa bayan.
-
6
|Mateo 26:6|
Nang nasa Betania nga si Jesus sa bahay ni Simon na ketongin,
-
7
|Mateo 26:7|
Ay lumapit sa kaniya ang isang babae na may dalang isang sisidlang alabastro ng unguento na lubhang mahalaga, at ibinuhos sa kaniyang ulo, samantalang siya'y nakaupo sa pagkain.
-
8
|Mateo 26:8|
Datapuwa't nang makita ito ng mga alagad, ay nangagalit sila, na nangagsasabi, Ano ang layon ng pagaaksayang ito?
-
9
|Mateo 26:9|
Sapagka't ito'y maipagbibili sa malaking halaga, at maibibigay sa mga dukha.
-
10
|Mateo 26:10|
Datapuwa't nang mahalata ito ni Jesus ay sinabi sa kanila, Bakit ninyo binabagabag ang babae? sapagka't gumawa siya sa akin ng mabuting gawa.
-
-
Sugerencias
Haga clic para leer Salmos 18-22