-
Leer por capítulos:
-
Afrikaans (1953) -
-
1
|1 Samuel 13:1|
Saul het 'n jaar geregeer. En toe hy twee jaar oor Israel geregeer het,
-
2
|1 Samuel 13:2|
het Saul vir hom drie duisend man uit Israel uitgesoek; en by Saul was twee duisend in Migmas en op die gebergte van Bet-el, en duisend was by Jónatan in Gíbea in Benjamin; maar die orige manskappe het hy laat gaan, elkeen na sy tente toe.
-
3
|1 Samuel 13:3|
En Jónatan het die wagpos van die Filistyne verslaan wat in Geba was, en die Filistyne het dit gehoor. Daarop het Saul op die ramshoring laat blaas in die hele land om te sê: Laat die Hebreërs dit hoor!
-
4
|1 Samuel 13:4|
En die hele Israel het hoor sê: Saul het die wagpos van die Filistyne verslaan, en ook het Israel homself gehaat gemaak by die Filistyne. So is dan die manskappe opgeroep agter Saul aan na Gilgal toe.
-
5
|1 Samuel 13:5|
En die Filistyne het bymekaargekom om teen Israel te veg: drie duisend strydwaens en ses duisend perderuiters en voetgangers soos die sand wat op die seestrand is in menigte; en hulle het opgetrek en laer opgeslaan by Migmas, oos van Bet-Awen.
-
6
|1 Samuel 13:6|
Toe die manne van Israel sien dat hulle in die nood is--want die volk was in die noute gedruk--het die volk weggekruip in die spelonke en in die doringbosse en in die rotse en in die grotte en in die kuile.
-
7
|1 Samuel 13:7|
En die Hebreërs het die Jordaan deurgetrek na die land Gad en Gílead; maar Saul was nog in Gilgal met al die manskappe wat bewende agter hom aan gegaan het.
-
8
|1 Samuel 13:8|
En hy het sewe dae lank gewag, tot die tyd wat Samuel bepaal het; maar toe Samuel nie na Gilgal kom nie en die manskappe van hom af verstrooid raak,
-
9
|1 Samuel 13:9|
het Saul gesê: Bring na my die brandoffer en die dankoffers; en hy het die brandoffer geoffer.
-
10
|1 Samuel 13:10|
En toe hy net gereed was om die brandoffer te bring, kom Samuel meteens daar aan; en Saul het uitgegaan hom tegemoet om hom te groet.
-
-
Sugerencias
Haga clic para leer 1 Corintios 11-13