-
Leer por capítulos:
-
Afrikaans (1953) -
-
45
|1 Samuel 14:45|
Maar die manskappe het aan Saul gesê: Moet Jónatan sterwe wat hierdie groot verlossing in Israel bewerk het? Volstrek nie! So waar as die HERE leef, geen haar van sy hoof sal op die aarde val nie! Want met God het hy dit vandag gedoen. So het die volk dan Jónatan losgekoop, dat hy nie gesterf het nie.
-
46
|1 Samuel 14:46|
Daarna het Saul agter die Filistyne teruggetrek, en die Filistyne het na hulle plek gegaan.
-
47
|1 Samuel 14:47|
So het Saul dan die koningskap oor Israel verkry en oorlog gevoer rondom teen al sy vyande: teen Moab en teen die kinders van Ammon en teen Edom en teen die konings van Soba en teen die Filistyne; en oral waarheen hy hom gewend het, het hy straf geoefen.
-
48
|1 Samuel 14:48|
En hy het hom dapper gedra: hy het Amalek verslaan en Israel gered uit die hand van sy berower.
-
49
|1 Samuel 14:49|
En die seuns van Saul was Jónatan en Jiswi en Malkisúa, en die naam van sy twee dogters: die naam van die oudste was Merab, en die naam van die jongste Migal.
-
50
|1 Samuel 14:50|
En die naam van Saul se vrou was Ahínoam, 'n dogter van Ahímaäs; en die naam van sy leërowerste was Abner, die seun van Ner, die oom van Saul.
-
51
|1 Samuel 14:51|
En Kis was die vader van Saul, en Ner, die vader van Abner, was die seun van Abíël.
-
52
|1 Samuel 14:52|
Die oorlog teen die Filistyne was hewig al die dae van Saul; en waar Saul ook 'n held of 'n dapper man sien, het hy hom by hom opgeneem.
-
1
|1 Samuel 15:1|
Toe sê Samuel vir Saul: Die HERE het my gestuur om jou as koning te salf oor sy volk, oor Israel; luister dan nou na die stem van die woorde van die HERE.
-
2
|1 Samuel 15:2|
So sê die HERE van die leërskare: Ek het terdeë gelet op wat Amalek Israel aangedoen het, dat hy hom in die weg gestaan het by sy optog uit Egipte.
-
-
Sugerencias
Haga clic para leer Job 22-24