-
Leer por capítulos:
-
Afrikaans (1953) -
-
15
|1 Samuel 22:15|
Het ek vandag vir die eerste keer God vir hom geraadpleeg? Dit is ver van my! Die koning moet nie op sy dienaar, op my hele familie, iets lê nie; want u dienaar het van hierdie hele saak, klein of groot, niks af geweet nie.
-
16
|1 Samuel 22:16|
Maar die koning sê: Ahiméleg, jy moet sekerlik sterwe, jy en jou hele familie.
-
17
|1 Samuel 22:17|
En die koning sê aan die hardlopers wat by hom staan: Tree nader en maak die priesters van die HERE dood, omdat hulle hand ook met Dawid saam is en omdat hulle geweet het dat hy vlug en dit nie aan my geopenbaar het nie. Maar die dienaars van die koning wou hulle hand nie uitsteek om op die priesters van die HERE aan te val nie.
-
18
|1 Samuel 22:18|
Daarop sê die koning vir Doëg: Tree jy nader en val op die priesters aan. Toe tree Doëg, die Edomiet, nader en hy val op die priesters aan; en hy het op dié dag vyf en tagtig man wat die linneskouerkleed dra, gedood.
-
19
|1 Samuel 22:19|
Ook die priesterstad Nob het hy met die skerpte van die swaard verslaan, man sowel as vrou, kind sowel as suigling, ook die beeste en esels en skape met die skerpte van die swaard.
-
20
|1 Samuel 22:20|
Maar een van die seuns van Ahiméleg, die seun van Ahítub, het vrygeraak, en sy naam was Abjatar; hy het agter Dawid aan gevlug.
-
21
|1 Samuel 22:21|
Toe Abjatar aan Dawid vertel dat Saul die priesters van die HERE vermoor het,
-
22
|1 Samuel 22:22|
sê Dawid vir Abjatar: Ek het daardie dag toe Doëg, die Edomiet, daar was, geweet dat hy dit sekerlik aan Saul sou vertel. Ek is die oorsaak van die dood van al die lede van u familie.
-
23
|1 Samuel 22:23|
Bly by my, wees nie bevrees nie; want die wat my lewe soek, soek u lewe ook; want u is by my in goeie bewaring.
-
1
|1 Samuel 23:1|
Intussen is aan Dawid meegedeel en gesê: Kyk, die Filistyne veg teen Kehíla, en hulle plunder die dorsvloere.
-
-
Sugerencias
Haga clic para leer Job 20-21