-
-
Afrikaans (1953) -
-
11
|2 Samuel 11:11|
En Uría sê vir Dawid: Die ark en Israel en Juda bly in hutte, en my heer Joab en die dienaars van my heer is gelaer in die oop veld; sou ek dan in my huis ingaan om te eet en te drink en by my vrou te slaap? So waar as u leef en u siel leef, ek sal dit nie doen nie!
-
12
|2 Samuel 11:12|
En Dawid sê vir Uría: Bly vandag ook hier; dan sal ek jou môre laat gaan. En Uría het dié dag in Jerusalem gebly.
-
13
|2 Samuel 11:13|
Maar die volgende dag het Dawid hom genooi, en hy het voor sy aangesig geëet en gedrink, en hy het hom dronk gemaak. Toe gaan hy in die aand uit om op sy slaapplek by die dienaars van sy heer te gaan slaap; maar na sy huis het hy nie afgegaan nie.
-
14
|2 Samuel 11:14|
En in die môre skrywe Dawid 'n brief aan Joab en stuur dit met Uría weg.
-
15
|2 Samuel 11:15|
En hy het in die brief geskrywe en gesê: Sit Uría op die voorpunt van die hewigste geveg; trek julle dan agter hom terug, dat hy in die slag kan sneuwel.
-
16
|2 Samuel 11:16|
So het Joab dan, terwyl hy die stad verken, Uría op 'n plek gesit waarvan hy geweet het dat daar dapper manne was.
-
17
|2 Samuel 11:17|
En toe die manne van die stad uittrek en met Joab veg, het daar van die manskappe, van die dienaars van Dawid, geval, en Uría, die Hetiet, het ook gesterwe.
-
18
|2 Samuel 11:18|
Daarop stuur Joab om Dawid die hele beloop van die geveg mee te deel.
-
19
|2 Samuel 11:19|
En hy gee die boodskapper bevel en sê: Net soos jy die hele beloop van die geveg aan die koning klaar vertel het--
-
20
|2 Samuel 11:20|
as dan die woede van die koning opkom en hy vir jou sê: Waarom het julle so naby die stad gekom om te veg? Het julle dan nie geweet dat hulle bo van die muur af sou skiet nie?
-
-
Sugerencias
Haga clic para leer Proverbios 12-15