-
-
Afrikaans (1953) -
-
21
|2 Samuel 15:21|
Maar Ittai het die koning geantwoord en gesê: So waar as die HERE leef en my heer die koning leef, voorwaar, op die plek waar my heer die koning sal wees vir dood of vir lewe, daar sal u dienaar sekerlik ook wees!
-
22
|2 Samuel 15:22|
Toe sê Dawid vir Ittai: Gaan, trek dan verby! En Ittai, die Gittiet, het verbygetrek met al sy manne en al die kinders wat by hom was.
-
23
|2 Samuel 15:23|
En die hele land het hardop gehuil terwyl al die mense verbytrek; en die koning het deur die spruit Kidron getrek; en al die mense het deurgetrek op pad na die woestyn.
-
24
|2 Samuel 15:24|
En kyk, Sadok was ook daar, en al die Leviete by hom wat die verbondsark van God dra, en hulle het die ark van God neergesit--Abjatar het ook opgetrek--totdat al die mense uit die stad tot die laaste toe deurgetrek het.
-
25
|2 Samuel 15:25|
Toe sê die koning vir Sadok: Bring die ark van God terug in die stad. As ek genade vind in die oë van die HERE, sal Hy my terugbring, en Hy sal my dit en sy woning laat sien.
-
26
|2 Samuel 15:26|
Maar as Hy so sê: Ek het in jou geen behae nie--hier is ek! Laat Hy met my doen soos goed is in sy oë.
-
27
|2 Samuel 15:27|
Verder het die koning aan die priester Sadok gesê: U is tog siener? Gaan in vrede na die stad terug, en julle twee seuns, Ahímaäs, jou seun, en Jónatan, die seun van Abjatar, met julle saam.
-
28
|2 Samuel 15:28|
Kyk, ek vertoef by die woestyndriwwe totdat daar 'n woord van julle kom om my in te lig.
-
29
|2 Samuel 15:29|
En Sadok en Abjatar het die ark van God teruggebring na Jerusalem en daar gebly.
-
30
|2 Samuel 15:30|
En Dawid het die hoogte van die olywe opgeklim, terwyl hy aldeur loop en ween; en sy hoof was bedek, en hy het kaalvoet geloop; en al die mense wat by hom was, hulle het elkeen sy hoof bedek en opgegaan en aldeur geween.
-
-
Sugerencias
Haga clic para leer Proverbios 12-15