-
-
Afrikaans (1953) -
-
36
|2 Samuel 13:36|
En net toe hy klaar gespreek het--daar kom die seuns van die koning aan en verhef hulle stem en ween. En ook die koning en al sy dienaars het geween met 'n baie groot geween.
-
37
|2 Samuel 13:37|
Maar Absalom het gevlug en na Tálmai, die seun van Ammíhur, die koning van Gesur, gegaan. En Dawid het al die dae gerou oor sy seun.
-
38
|2 Samuel 13:38|
En Absalom het gevlug en na Gesur gegaan, en hy was daar drie jaar lank.
-
39
|2 Samuel 13:39|
En die gees van koning Dawid het baie verlang om na Absalom uit te gaan, want hy het homself getroos oor Amnon, dat hy dood was.
-
1
|2 Samuel 14:1|
Toe Joab, die seun van Serúja, merk dat die hart van die koning aan Absalom verkleef was,
-
2
|2 Samuel 14:2|
het Joab na Tekóa gestuur en daarvandaan 'n skrander vrou laat haal en aan haar gesê: Stel jou tog aan soos een wat treur, en trek rouklere aan; en salf jou nie met olie nie, maar hou jou soos 'n vrou wat al baie dae rou oor 'n dode.
-
3
|2 Samuel 14:3|
Gaan dan na die koning en spreek met hom volgens hierdie woord. En Joab het die woorde in haar mond gelê.
-
4
|2 Samuel 14:4|
En die vrou uit Tekóa het by die koning ingekom en op haar aangesig op die grond geval en gebuig en gesê: Help, o koning!
-
5
|2 Samuel 14:5|
Toe vra die koning haar: Wat wil jy hê? En sy sê: Voorwaar, ek is 'n weduwee en my man is dood.
-
6
|2 Samuel 14:6|
En u dienares het twee seuns gehad, en hulle twee het met mekaar geveg in die veld; en daar was niemand om hulle uitmekaar te maak nie, sodat die een die ander neergeslaan en hom gedood het.
-
-
Sugerencias
Haga clic para leer Job 20-21