-
-
Afrikaans (1953) -
-
24
|2 Samuel 15:24|
En kyk, Sadok was ook daar, en al die Leviete by hom wat die verbondsark van God dra, en hulle het die ark van God neergesit--Abjatar het ook opgetrek--totdat al die mense uit die stad tot die laaste toe deurgetrek het.
-
25
|2 Samuel 15:25|
Toe sê die koning vir Sadok: Bring die ark van God terug in die stad. As ek genade vind in die oë van die HERE, sal Hy my terugbring, en Hy sal my dit en sy woning laat sien.
-
26
|2 Samuel 15:26|
Maar as Hy so sê: Ek het in jou geen behae nie--hier is ek! Laat Hy met my doen soos goed is in sy oë.
-
27
|2 Samuel 15:27|
Verder het die koning aan die priester Sadok gesê: U is tog siener? Gaan in vrede na die stad terug, en julle twee seuns, Ahímaäs, jou seun, en Jónatan, die seun van Abjatar, met julle saam.
-
28
|2 Samuel 15:28|
Kyk, ek vertoef by die woestyndriwwe totdat daar 'n woord van julle kom om my in te lig.
-
29
|2 Samuel 15:29|
En Sadok en Abjatar het die ark van God teruggebring na Jerusalem en daar gebly.
-
30
|2 Samuel 15:30|
En Dawid het die hoogte van die olywe opgeklim, terwyl hy aldeur loop en ween; en sy hoof was bedek, en hy het kaalvoet geloop; en al die mense wat by hom was, hulle het elkeen sy hoof bedek en opgegaan en aldeur geween.
-
31
|2 Samuel 15:31|
Nadat aan Dawid meegedeel is: Agitófel is onder die samesweerders met Absalom saam, het Dawid gesê: o HERE, verydel tog die raad van Agitófel!
-
32
|2 Samuel 15:32|
En toe Dawid tot bo-op die top kom, waar hulle God aanbid het, ontmoet Húsai, die Arkiet, hom daar, met geskeurde rok en grond op sy hoof.
-
33
|2 Samuel 15:33|
En Dawid sê vir hom: As jy saam met my verder gaan, sal jy my tot 'n las wees.
-
-
Sugerencias
Haga clic para leer Job 20-21