-
-
Afrikaans (1953) -
-
11
|Cantares 7:11|
Kom, my beminde, laat ons uitgaan in die veld, laat ons in die dorpe vernag.
-
12
|Cantares 7:12|
Laat ons vroeg na die wingerde gaan, laat ons sien of die wingerdstok uitloop, die druiwebloeisel oopgaan, die granate blom. Daar sal ek u my liefde gee.
-
13
|Cantares 7:13|
Die liefdesappels gee geur, en by ons deure is allerhande kostelike vrugte, vars en oud; o my beminde, dit het ek vir u weggebêre.
-
1
|Cantares 8:1|
Ag, was u maar vir my soos 'n broer wat aan die borste van my moeder drink! As ek u daar buite vind, ek sou u kus; en tog sou hulle my nie verag nie.
-
2
|Cantares 8:2|
Ek sou u lei, ek sou u bring in die huis van my moeder; sy sou my leer; ek sou u laat drink van die gekruide wyn, van my granaatmos.
-
3
|Cantares 8:3|
Laat sy linkerarm onder my hoof wees en sy regterarm my omhels.
-
4
|Cantares 8:4|
Ek besweer julle, dogters van Jerusalem: Waarom wil julle wakker maak en waarom wil julle opwek die liefde voordat dit die liefde behaag?
-
5
|Cantares 8:5|
Wie is dit wat daar opkom uit die woestyn, wat leun op haar beminde? Onder die appelboom het ek u opgewek. Daar was u moeder in barensweë oor u, daar was sy in barensweë wat u voortgebring het.
-
6
|Cantares 8:6|
Dra my soos 'n seëlring op u hart, soos 'n seëlring op u arm; want liefde is sterk soos die dood, die liefdes-ywer is hard soos die doderyk, sy gloed is 'n gloed van vuur, 'n vlam van die HERE.
-
7
|Cantares 8:7|
Groot waters kan die liefde nie uitblus en riviere dit nie oorstroom nie; al gee 'n man ook al die goed van sy huis vir die liefde, hulle sou hom diep verag.
-
-
Sugerencias
Haga clic para leer Jueces 9-10