-
-
Afrikaans (1953) -
-
6
|Cantares 4:6|
Totdat die aandwind waai en die skaduwees vlug, sal ek gaan na die mirreberg en na die wierookheuwel.
-
7
|Cantares 4:7|
Alles is mooi aan u, my vriendin, en daar is geen gebrek aan u nie.
-
8
|Cantares 4:8|
Saam met my van die Líbanon af, bruid, saam met my van die Líbanon af, o kom! Trek af van die top van Amána, van die top van Senir en van Hermon, van die lêplekke van die leeus, van die berge van die luiperds.
-
9
|Cantares 4:9|
U het my hart gesteel, my susterbruid, u het my hart gesteel met een straal van u oë, met een kettinkie van u halssieraad.
-
10
|Cantares 4:10|
Hoe skoon is u liefde, my susterbruid, hoeveel beter is u liefde as wyn en die geur van u salf as al die speserye!
-
11
|Cantares 4:11|
Heuningstroop drup van u lippe af, bruid, heuning en melk is onder u tong, en die geur van u klere is soos die geur van die Líbanon.
-
12
|Cantares 4:12|
My susterbruid is 'n geslote tuin, 'n geslote bron, 'n verseëlde fontein.
-
13
|Cantares 4:13|
U spruite is 'n park van granate met kostelike vrugte, henna-blomme met nardus,
-
14
|Cantares 4:14|
nardus en saffraan, kalmoes en kaneel, met allerhande wierookstruike, mirre en alewee, met allerhande kostelike speserye.
-
15
|Cantares 4:15|
U is 'n fontein van die tuine, 'n put met lewende water wat van die Líbanon afvloei.
-
-
Sugerencias
Haga clic para leer Job 8-10