-
-
Afrikaans (1953) -
-
10
|Cantares 5:10|
My beminde is skitterend wit en rooi, uitnemender as tien duisend.
-
11
|Cantares 5:11|
Sy hoof is goud, suiwer goud; sy haarlokke is golwende, swart soos 'n raaf,
-
12
|Cantares 5:12|
sy oë soos duiwe by waterstrome, in melk gewas, sittend by 'n volle bron.
-
13
|Cantares 5:13|
Sy wange is soos balsembeddings, terrasbeddings van geurige plante; sy lippe is lelies wat van vloeiende mirre drup.
-
14
|Cantares 5:14|
Sy hande is ronde stawe van goud, ingevul met chrisoliet, sy liggaam 'n kunswerk van ivoor, bedek met saffierstene.
-
15
|Cantares 5:15|
Sy bene is marmerpilare wat rus op voetstukke van fyn goud; sy gestalte is soos die Líbanon, uitgesoek soos die seders.
-
16
|Cantares 5:16|
Sy verhemelte is pure soetigheid, ja, hy is geheel en al die lieflikheid self. Dit is my beminde en dit is my vriend, dogters van Jerusalem.
-
1
|Cantares 6:1|
Waar het u beminde heengegaan, o skoonste onder die vroue? Waarheen het u beminde hom gewend, dat ons hom saam met u kan soek?
-
2
|Cantares 6:2|
My beminde het afgeloop na sy tuin, na die balsembeddings om hom te vermaak in die tuine en om lelies te versamel.
-
3
|Cantares 6:3|
Ek is my beminde s'n, en my beminde is myne--hy wat herder is onder die lelies.
-
-
Sugerencias
Haga clic para leer Jueces 4-5