-
-
Afrikaans (1953) -
-
11
|Hebreos 9:11|
Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie,
-
12
|Hebreos 9:12|
ook nie met die bloed van bokke en kalwers nie, maar met sy eie bloed, een maal ingegaan in die heiligdom en 'n ewige verlossing teweeggebring.
-
13
|Hebreos 9:13|
Want as die bloed van stiere en bokke en die as van 'n vers wat die verontreinigdes besprinkel, heilig maak tot reiniging van die vlees,
-
14
|Hebreos 9:14|
hoeveel te meer sal die bloed van Christus, wat Homself deur die ewige Gees aan God sonder smet geoffer het, julle gewete reinig van dooie werke om die lewende God te dien.
-
15
|Hebreos 9:15|
En daarom is Hy Middelaar van 'n nuwe testament, sodat, terwyl daar 'n dood plaasgevind het vir die verlossing van die oortredinge onder die eerste testament, die wat geroepe is, die belofte van die ewige erfenis kan ontvang.
-
16
|Hebreos 9:16|
Want waar 'n testament is, moet noodsaaklik die dood van die testamentmaker aangekondig word;
-
17
|Hebreos 9:17|
want 'n testament is geldig by sterfgevalle, aangesien dit nooit van krag is so lank as die testamentmaker nog leef nie.
-
18
|Hebreos 9:18|
Daarom is ook die eerste testament nie sonder bloed ingewy nie;
-
19
|Hebreos 9:19|
want toe elke gebod volgens die wet deur Moses aan die hele volk aangekondig is, het hy die bloed van die kalwers en bokke saam met water en skarlakenrooi wol en hisop geneem en die boek self en die hele volk besprinkel
-
20
|Hebreos 9:20|
en gesê: Dit is die bloed van die testament wat God met die oog op julle verorden het.
-
-
Sugerencias
Haga clic para leer Proverbios 16-19