-
-
Afrikaans (1953) -
-
1
|Juan 10:1|
Voorwaar, voorwaar Ek sê vir julle, wie nie by die deur in die skaapstal ingaan nie, maar van 'n ander kant af inklim, hy is 'n dief en 'n rower.
-
2
|Juan 10:2|
Maar hy wat by die deur ingaan, is 'n herder van die skape.
-
3
|Juan 10:3|
Vir hom maak die deurwagter oop, en die skape luister na sy stem; en hy roep sy eie skape by hulle naam en lei hulle uit.
-
4
|Juan 10:4|
En wanneer hy sy eie skape uitgebring het, loop hy voor hulle uit; en die skape volg hom, omdat hulle sy stem ken.
-
5
|Juan 10:5|
Hulle sal 'n vreemde nooit volg nie, maar van hom wegvlug, omdat hulle die stem van die vreemdes nie ken nie.
-
6
|Juan 10:6|
Hierdie gelykenis het Jesus aan hulle vertel; maar hulle het nie verstaan wat dit was wat Hy tot hulle gespreek het nie.
-
7
|Juan 10:7|
Jesus het toe weer vir hulle gesê: Voorwaar, voorwaar Ek sê vir julle, Ek is die deur van die skape.
-
8
|Juan 10:8|
Almal wat voor My gekom het, is diewe en rowers; maar die skape het nie na hulle geluister nie.
-
9
|Juan 10:9|
Ek is die deur; as iemand deur My ingaan, sal hy gered word, en hy sal ingaan en uitgaan en weiding vind.
-
10
|Juan 10:10|
Die dief kom net om te steel en te slag en te verwoes. Ek het gekom, dat hulle lewe en oorvloed kan hê.
-
-
Sugerencias
Haga clic para leer Números 15-16